សៀវភៅ ទស្សនៈផ្តាច់ផ្លូវក្រោយ Pdach Plov Kroy

និពន្ធដោយ ឡាំ ឡាយ - Lam Lay 

ISBN: 9789924922087

សៀវភៅ “ទស្សនៈផ្ដាច់ផ្លូវក្រោយ” មានបីជំពូកធំៗ៖ ទី១ខ្ញុំ, ទី២ខ្ញុំនិងយុទ្ធសាស្រ្ត, ទី៣ខ្ញុំនិងសង្គម។

ជំពូកទី១ “ខ្ញុំ” និយាយពីខ្លួនឯងជាមួយ ការគិត ការផ្លាស់ប្ដូរផ្នត់គំនិត ការរៀបចំទស្សនវិស័យ បើកគំនិតឱ្យទូលាយ ប្រឹងរៀន និងប្រឹងសម្អាតចិត្ត។ ជំពូកទី២ “ខ្ញុំ និងយុទ្ធសាស្រ្ត” និយាយអំពើ ខ្លួនឯងក្នុងការឈ្វេងយល់ពីយុទ្ធ-សាស្រ្ត ដែលបង្ហាញពីសកម្មភាពក្នុងរឿងបុរាណចិន និងទស្សនៈច្រើនទម្រង់ដើម្បីវែកញែកពិចារណាបន្ថែមទៀតក្នុងការទម្លុះល្បិចបុគ្គលប្រយោជន៍និយម។ជំពូកទី៣ “ខ្ញុំនិងសង្គម” បកស្រាយពី ខ្លួនឯងនិងទំនួលខុសត្រូវសង្គមប្រកបដោយបញ្ញា ក្នុងការស្វែងរកភាពយុត្តិធម៌ ចេះងើបក្រោកឈរ និងការជិះជាន់ក្រោមរូបភាពណាមួយ។

ជារួមសៀវភៅ “ទស្សនៈផ្ដាច់ផ្លូវក្រោយ” គឺជាសៀវភៅបែបទស្សនវិជ្ជាសាមញ្ញាមួយក្បាល។ ទិដ្ឋភាពទទូទៅនៃសៀវភៅនេះ គឺពុំបង្ហាញថាខុសថាត្រូវ តែបង្ហាញអំពីមូលដ្ឋាននៃការត្រឹះរិះពីចារណាតែប៉ុនណោះ។ សៀវភៅមួយក្បាលនេះ ប្រៀបបានដូចជាសៀវភៅឥតន័យ។ ព្រោះថា វាមានន័យ ឬក៏គ្មានន័យ គឺអាស្រ័យលើប្រិយមិត្តបងបងប្អូនអ្នកអានតែប៉ុនណោះ។ ម្យ៉ាងទៀតអាចថា វាគ្មានតម្លៃ។ ព្រោះថា តម្លៃគ្រប់យ៉ាងមិនស្ថិតត្រឹមតែសៀវភៅមួយក្បាលនេះទេ គឺអាស្រ័យលើប្រិយមិត្តជាអ្នកកំណត់។ ផ្នែកម្យ៉ាងនៃសច្ចភាព គឹសច្ចភាព។ ខ្ញុំសរសេរសៀវភៅនេះ ប្រៀបបានដូចជាក្មេងពុំដឹងអីម្នាក់។